Maar bakkies is nie eintlik bedoel om mooi te wees nie, hulle is bedoel en gebou om te werk en hier staan die Amarok uit. Hy sal ʼn dra vermoë hê van 1,15 ton en ʼn maksimum sleepvermoë van 2,8 ton.

Natuurlik sal hy deur die agterwiele aangedryf word met die keuse om ook vierwielaandrywing te selekteer. ʼn Feit wat nog verder krediet aan ʼn klaar goeie produk gee is dat die onderstel van hierdie bakkie basies ʼn Toyota Hilux is wat Volkswagen geneem het en aangepas het soos hulle goed dink.

Enjins sal insluit Volkswagen se Euro5 2,0 liter TDi-enjin. Hierdie enjin lewer of 120 kW en 400 Nm of 90 kW en 340 Nm. Te same met ʼn 80 liter brandstoftenk sal dit help vir ʼn gunstige reikafstand.

Vir nou is daar net sprake van ʼn sesgang handratkas, hoewel ons vermoed ʼn outomatiese ratkas later beskikbaar sal wees.

As geen passasiers agter sit nie, kan hierdie sitplek platgeslaan word om die ruimte beter te benut terwyl die agterste laairuimste 2,52 m² kan sluk.

Vanaf die bekendstelling sal slegs dubbelkajuit-bakkies beskikbaar wees. Enkelkajuit-bakkies sal daarna beskikbaar wees.

Volkswagen het bevestig dat te same met Suid-Amerika en Australië, Suid-Afrika die belangrikste marke vir die Amarok sal wees. Verwag dus ʼn uitgebreide reeks om met die ander spelers in hierdie segment te kompeteer.

Die Amarok sal volgende jaar plaaslik beskikbaar wees.