Voormalige WRC-kampioen Carlos Sainz en sy navigator Lucas Cruz het gehelp dat Volkswagen die eerste drie plekke ingepalm het, ʼn indrukwekkende resultaat in die 32ste Dakar-tydren in Argentinië.

Dit was ʼn fantastiese oorwinning vir die man wat hulle “El Matador” noem en al van sneldeel 5 af voorgeloop het. Die spesifieke oorwinning het ook opgemaak vir die teleurstelling wat hy verlede keer gehad het toe hy sy renmotor op sneldeel 5 verongeluk het terwyl hy met sneldeel 5 besig was.

Die keer het hy seker gemaak om so foutloos as moontlik die Dakar 2:12 min. Hulle het ook voor span-maat Nasser Al-Attiyah van Katar en Timo Gottschalk van Duitsland voltooi en 32:51 min. voor Mark Miller van die VSA en Suid-Afrikaner Ralph Pitchford in die derde Volkswagen.

In die vierde plek, en ook die eerste renmotor wat nie ‘n Volkswagen-wapen gedra het nie, was voormalige Dakar-wenner Stephan Peterhansel (wat Dakar al nege keer gewen het) en Jean-Paul Cottret in hul BMW X3. Hulle was 2:17 uur agter die wenners. Spanmaats Guerelain Chicherit en Tina Thorner het vyfde geëindig in hul BMW X3, ʼn volle 1:45 uur later.

Die laaste sneldeel het in Buenos Aires geëindig.

Volkswagen het sewe van die veertien sneldele gewen (Al-Attiyah 4, Sainz 2, miller 1) terwyl BMW ses gewen het en selfs Hummer het ook in een sneldeel homself bewys.

Giniel de Villiers, wat sy titel gaan verdedig het, het probleme op dag drie opgetel. Hy en sy navigator Dirk von Zitzewitz, het in die sewende plek geeindig. “Hierdie is ʼn wonderlike uitslag vir Volkswagen. Almal het verdien om te wen. Hierdie is sonder twyfel die beste span in die wêreld.”